Vorferð starfsmannafélags að Apavatni

Nú er vor í lofti og kominn veiðihugur í menn. Fyrr í mánuðinum gerðum við okkur glaðan dag og héldum austur fyrir fjall, nánar tiltekið að Apavatni og nýttum okkur glæsilega aðstöðu rafiðnaðarmanna þar. Veiðin var misjöfn en aflakóngurinn Magnús Heiðarsson setti í vænan urriða á svæðinu.

29. apríl 2010 08:51

Gos í Eyjafjallajökli

Við hjá Rafstjórn höfum verið að viða að okkur þekkingu á áhrifum öskufalls á loftræstikerfi, kælikerfi og annan tækjabúnað sem við erum að selja og þjónusta.

Sjá viðhengi

28. febrúar 2010 10:27

Öskudagur

Alltaf er gaman að fá heimsókn á öskudag. Þessi myndarlegu börn sungu fyrir okkur og þáðu sælgæti að launum.

28. janúar 2010 08:45

Íslandsbanki kaupir Ultrasonic rakatæki

Stulz Ultrasonic rakatæki Nýlega var lokið uppsetningu á Ultrasonic rakatækjum hjá Íslandsbanka í Kringlunni. Þessi tæki viðhalda réttu rakastigi á skrifstofum og stuðla því að aukinni vellíðan starfsfólks.

19. október 2009 08:48

Ultrasonic hjá TM

Nýlega lukum við uppsetningu á Stulz Ultrasonic rakabúnaði hjá Tryggingamiðstöðinni í Síðumúla. Almenn ánægja er á meðal starfsfólks með búnaðinn enda hafa loftgæðin aukist til muna. Óskum við þeim til hamingju með það.

12. október 2009 08:37

Veiðiferð

Þann 30. september fórum við vinnufélagarnir í okkar árlegu veiðiferð. Að þessu sinni varð Þverá í Fljótshlíð og Eystri-Rangá fyrir valinu. Veiðin var frekar dræm að þessu sinni enda komið haust og kalt orðið í veðri. Hér til hliðar má sjá aflakónginn Magnús Heiðarsson nýbúinn að landa einum í Þverá.